Монгол улсын Засгийн газрын 2009 оны 99 дүгээр тогтоол

МОНГОЛ УЛСЫН ТӨСВИЙН ОРЛОГО,ЗАРЛАГА,ХӨТӨЛБӨР,АРГА ХЭМЖЭЭНИЙ АНГИЛЛЫГ БАТЛАХ ТУХАЙ 2009 оны 4 дүгээр сарын 8-ны өдөр Улаанбаатар хот Дугаар 99                 Монгол Улсын нэгдсэн төсвийн тухай хуулийн 12.3-т заасныг үндэслэн Монгол Улсын Засгийн газраас ТОГТООХ нь:                 1. “Төсвийн зарлагын эдийн засгийн ангилал”-ыг 1 дүгээр, “Төсвийн зарлагын арга хэмжээний ангилал”-ыг 2 дугаар, “Төсвийн ерөнхийлөн захирагчдын ангилал”-ыг 3 дугаар, “Төсвийн орлогын эдийн засгийн ангилал”-ыг 4 дүгээр, “Төсвийн зарлагын хөтөлбөрийн ангилал”-ыг 5 дугаар, “Төсвийн зарлагын эдийн засгийн ангиллын заавар”-ыг 6 дугаар хавсралт ёсоор тус тус шинэчлэн баталсугай.                 2. Үйл ажиллагааны зардлын эх үүсвэр дутагдсан тохиолдолд өр үүсгэхгүй байх зарчим баримтлан төсвийн зарлагын арга хэмжээний ангиллын дагуу бусад арга хэмжээний зардлаас (үүнд аюулгүй байдлыг хамгаалах, стратегийн болон онцгой байдлын нөөцийн зардал хамаарахгүй) нийт 10 хүртэл хувийг “Байгууллагын үндсэн чиг үүргийг хэрэгжүүлэх арга хэмжээ”-ний урсгал зардалд шилжүүлэх эрхийг төсвийн ерөнхийлөн захирагч нарт олгосугай.                 3. Хөтөлбөрийн ерөнхий ангилалд нийцүүлэн эрхлэх асуудлынхаа хүрээнд бүтээгдэхүүний дэд анги, нэр төрлийг тогтоож, жил бүрийн бүтээгдэхүүн нийлүүлэлтийн гэрээнд тусгаж байх эрхийг төсвийн ерөнхийлөн захирагч нарт олгосугай.                 4. Төсвийн орлого, зарлагын ангиллыг шинэчлэн баталсантай холбогдуулан холбогдох бусад журам, заавар, мэдээний маягтыг энэхүү ангилалд нийцүүлэх, төсвийн орлого, зарлагын бүртгэлийг ангиллын зааврын дагуу хөтлүүлэх арга хэмжээ авч, батлагдсан төсвийн ангиллыг 2009 оны төсвийн жилээс эхлэн нийтээр дагаж мөрдүүлэхийг Сангийн сайд С.Баярцогтод даалгасугай.                 5. Энэ тогтоол гарсантай холбогдуулан “Монгол Улсын төсвийн орлого, зарлагын ангилал батлах тухай” Засгийн газрын 2003 оны 9 дүгээр сарын 15-ны өдрийн 203 дугаар тогтоолыг хүчингүй болсонд тооцсугай.                                                    Монгол Улсын Ерөнхий сайд                                                         С.БАЯР                                                   Сангийн сайд                                                                                      С.БАЯРЦОГТ

  Засгийн гзрын 2009 оны 99 дүгээр тогтоол

Та сайн жолооч мөн үү

Тээврийн хэрэгслийн жолоочийн мэргэжлийн улсын шалгалтын материал.

Энэхүү цахим тестийн тээврийн хэрэгсэл жолоодох эрх авах шалгалтанд бэлтгэгчид болон замын хөдөлгөөний эрх зүйн мэдлэгээ бататгах, энэ чиглэлийг сонирхон судлах хэн бүхэнд зориулав.

MTRI (NGO) (R) Traffic test v1.0
ISBN 99929-6-308-5
Татах: 194.5 MB
Мөн дараах линкээр орж онлайнаар сонирхож болно:
http://www.traffic-institute.mn/




Эх сурвалж: http://wegenerous.blogspot.com

Гэгээрлийн төвийн үлгэрчилсэн дүрэм

БОЛОВСРОЛ, СОЁЛ, ШИНЖЛЭХ УХААНЫ САЙДЫН ТУШААЛ 

 2003.05.19                                        Дугаар 169                                  Улаанбаатар хот

 Гэгээрлийн төвийн үлгэрчилсэн дүрэм, ажлын
 байрны тодорхойлолт батлах тухай

            "Боловсролын тухай" Монгол улсын хуулийн 17 дугаар зүйлийн 3 дахь хэсгийг хэрэгжүүлэх зорилгоор Боловсрол, соёл, шинжлэх ухааны сайдын зөвлөлийн 2003 оны 4 дүгээр сарын 24-ний өдрийн хурлын шийдвэрийг үндэслэн ТУШААХ нь:

            1.Аймаг, нийслэл, сум, дүүргийн "Гэгээрлийн төвийн үлгэрчилсэн дүрэм"-ийг 1 дүгээр, "Албан бус боловсрол, зайны сургалтын арга зүйчийн ажлын байрны тодорхойлолтыг 2 дугаар, "Албан бус боловсрол, зайны сургалтын багшийн ажлын байрны тодорхойлолт"-ыг З дугаар хавсралтын ёсоор тус тус баталсугай.

            2.Тушаалын хэрэгжилтийг зохион байгуулан ажллахыг Албан бус боловсрол, зайны сургалтын үндэсний төв /Ё.Батчулуун/, аймаг, нийслэлийн Боловсрол, соёлын газрын дарга нарт тус тус үүрэг болгосугай.

            3.Энэхүү тушаалын биелэлтэнд хяналт тавьж ажиллахыг Бага, дунд боловсролын бодлого, зохицуулалтын газар /Г.Батболд/-т даалгасугай.

                                                                  САЙД                                                                              А.ЦАНЖИД

Гэгээрэл төвийн дүрэм

Орос Монгол толь

Орос Монгол зузаан толь бичиг. Хэрэгтэй хүндээ бол аймаар хэрэгтэй словарь шүү.

Бүгд Найрамдах Монгол Ард Улсын Шинжлэх Ухааны Академийн Хэл Зохиолын Хүрээлэн

Ц. Дамдинсүрэн, А. Лувсандэндэв

ОРОС-МОНГОЛ ТОЛЬ

нэмж, зассан хоёрдугаар хэвлэл

редактор академич

Ш. Лувсанвандан

55 000 орчим үг

Улсын Хэвлэлийн Газар Улаанбаатар. 1982

Институт Языка И Литературы Академии Наук Монгольской Народной Республики

Ц. Дамдинсурэн, А. Лувсандэндэв

Засгийн газрын болон төсвийн байгууллагын дансыг нээх, хаах журам/

МОНГОЛ УЛСЫН САНГИЙН САЙДЫН ТУШААЛ  ЖУРАМ БАТЛАХ ТУХАЙ

/Засгийн газрын болон төсвийн байгууллагын дансыг нээх, хаах журам/

2008 оны 05 дугаар сарын 01-ний өдөр                                                                           Улаанбаатар хот

Дугаар 180

            Төсвийн байгууллагын удирдлага санхүүжилтийн тухай хуулийн 8 дугаар зүйлийн 8.1.4 дэх заалт, 9 дүгээр зүйлийн 9.1.9 дахь заалт Монгол Улсын нэгдсэн төсвийн тухай хуулийн 6 дугаар зүйлийн 6.1.3, 6.1.4 заалтыг үндэслэн ТУШААХ нь:

Нэг. “Засгийн газрын болон төсвийн байгууллагын дансыг нээх, хаах журам”-ыг хавсралтаар баталсугай.

Хоёр. Батлагдсан журмын хэрэгжилтэд хяналт тавьж ажиллахыг Төрийн сангийн газрын дарга /С.Мягмардаш/-д даалгасугай.

САЙД                                      Ч.УЛААН

Ss 180 r tushaal

Сургууль, цэцэрлэг хөгжүүлэх сангийн үлгэрчилсэн дүрэм

2008 оны 03 дүгээр сарын 4-ний өдөр улсын бүртгэлийн 2879 дугаарт бүртгэгдсэн

БОЛОВСРОЛ, СОЁЛ, ШИНЖЛЭХ УХААНЫ САЙД,

САНГИЙН САЙДЫН ХАМТАРСАН ТУШААЛ

===================================================================

2008 оны 02 дугаар                            Дугаар 56/64                         Улаанбаатар

         сарын 14 -ны өдөр

Үлгэрчилсэн дүрэм батлах тухай

Боловсролын тухай хуулийн 39 дүгээр зүйлийн 39.11-дэх заалтыг үндэслэн ТУШААХ нь :

1. Сургалтын байгууллагын "Сургууль, цэцэрлэг хөгжүүлэх сангийн үлгэрчилсэн дүрэм"-ийг хавсралтын ёсоор баталсугай.

2. Энэхүү үлгэрчилсэн дүрмийг баримтлан сургалтын байгууллагыг хөгжүүлэх сангийн дүрмийг боловсруулж, сургууль, цэцэрлэгийн зөвлөл болон удирдах зөвлөлөөр баталгаажуулан мөрдөхийг захирал, эрхлэгч нарт даалгасугай.

3. Энэ тушаал батлагдсантай холбогдуулан Гэгээрлийн сайдын 1999 оны 11 дүгээр сарын 10-ны өдрийн 244 тоот тушаалыг хүчингүй болсонд тооцсугай.

                             БОЛОВСРОЛ, СОЁЛ,                                     САНГИЙН САЙД

ШИНЖЛЭХ УХААНЫ

САЙД

 Н.БОЛОРМАА                                              Ч.УЛААН

Боловсролын салбарын хүн бүрээс санал авья

 Нэгж байгууллагуудын цалин тогтмол зардал шивж байсан веб сайтаар дамжуулан регистртэй мэдээ, тогтмол зардлын судалгаа авах бөгөөд тус судалгааны маягтыг танилцуулж байна.

Салбарын мэргэжилтнүүд доорх регистртэй мэдээний загвартай танилцан санал шүүмжээ өгвөл их байрлана шүү.

Энд бичиж болку бол мессенжерт бичээрэй

Registry entries

Жил бүр БСШУЯ нь аймаг нийслэлийн боловсрол, соёлын  газруудын үйл ажиллагааг үнэлдэг бөгөөд 2009 оны үйл ажиллагааг үнэлэхэд тухайн аймаг, орон нутагт хүүхдийн цэцэрлэг, сургуульд хамралт, сургууль завсардалт, ерөнхий шалгалтанд үзүүлсэн амжилт, мэргэжилтэй багш, ажилтны хангалт, тэдний мэргэшлийг дээшлүүлсэн зэрэг 16 үзүүлэлтээр өнгөрсөн оноос ахисан байдлыг харгалзан үзжээ.
 
Аймаг, нийслэлийн боловсрол, соёлын газруудын үнэлгээний дундаж үзүүлэлт 87.97 болж байна.  Үзүүлэлт бүрээр авч үзвэл, Баянхонгор, Говь-Алтай, Дархан-Уул аймаг 6 настай хүүхдийг сургуульд бүрэн хамруулсан, харин Баян-Өлгий аймагт энэ үзүүлэлт 67%,  Орхон, Сэлэнгэ аймгийн хэмжээнд сургуулиас завсардсан хүүхдийн 2-4 байхад Баян-Өлгий, Увс, аймагт 86-88 байв. Ерөнхий шалгалтанд Орхон, Дархан-Уул, Завхан аймагт шалгуулагчид илүү өндөр оноо авч, Увс, Дархан-Уул, Ховд аймаг соёл, урлагийн ажилтнуудынхаа мэргэшлийг дээшлүүлэхэд илүү ахицтай ажилласан байна.
            Энэхүү үнэлгээний дүнг үндэслэн Боловсрол, соёл, шинжлэх ухааны сайдын 2010 оны 333 дугаар тушаалаар 2009 оны үйл ажиллагааны нэгдсэн үнэлгээгээр 1-р байр эзэлсэн Дархан-Уул аймгийн Боловсрол, соёлын газрыг хоёр сая төгрөгөөр, 2-р байр эзэлсэн Орхон, Завхан аймгийн Боловсрол, соёлын газрыг тус бүр нэг сая таван зуун мянган төгрөгөөр, 3-р байр эзэлсэн Улаанбаатар хотын Боловсролын газар, Увс, Дорнод аймгийн Боловсрол, соёлын газрыг тус бүр нэг сая төгрөгөөр шагнасан байна. Дээрх үнэлгээний болон үзүүлэлтийн талаар БСШУЯ-ны МХШҮГ-ийн хийсэн дэлгэрэнгүй мэдээллийг та бүгдэд хүргэе.  Боловсрол, соёлын газруудын үйл ажиллагааны үнэлгээ, мэдээллийн систем, сурлагын амжилтын үнэлгээ

Мэргэжлийн боловсрол

      Мэргэжлийн боловсролын сургалт дээд боловсролоос илvv хєдєлмєрийн зах зээлд эрэлттэй болсон атал нийлvvлэлтийн зєрvv vvссэн, гадаад, дотоодын аж ахуйн нэгжvvдэд ажиллагсдаас мэргэжлийн єндєр ур чадвар шаардах болсон, хєдєлмєрийн зах зээлийн 60-70 хувьд нарийн мэргэжлийн ажилчин хэрэгтэй байгаа зэрэг нєхцєл шалтгаан нь энэ салбарыг мянганы хөгжлийн зорилгод тусгах, цаашдаа бие даасан агентлаг бүхий боловсролын салбар болгох түлхэц болсон.

Ингэснээр 2009 онд Мэргэжлийн боловсрол, сургалтын тухай хууль батлагдаж Боловсрол, соёл, шинжлэх ухааны сайдын эрхлэх асуудлын хүрээнд Засгийн газрын хэрэгжүүлэгч агентлаг-Мэргэжлийн боловсрол, сургалтын газар байгуулагдсан.

Иймээс төр засгийн зүгээс болон ард түмний итгэл хүлээлтийг багтаасан энэхүү салбарын өнөөгийн байдлаар талаар БСШУЯ-ны Мэргэжлийн боловсролын газраас 2010 онд танилцуулгыг хүргэж байна.

2010 mbg

View more presentations from Munkh Orgil.

Төрийн албан хаагчийн албан тушаалын цалингийн сүлжээ, доод жишгийг шинэчлэн тогтоох тухай 2010 оны 239-р тогтоол

МОНГОЛ УЛСЫН ЗАСГИЙН ГАЗРЫН ТОГТООЛ

ТӨРИЙН АЛБАН ХААГЧИЙН АЛБАН ТУШААЛЫН ЦАЛИНГИЙН СҮЛЖЭЭ, ДООД ЖИШГИЙГ ШИНЭЧЛЭН ТОГТООХ ТУХАЙ

2010 оны 9 дүгээр сарын 15-ны өдөр Улаанбаатар хот

Дугаар 239

Төрийн албаны тухай хуулийн 28.4.3, 28.6-г үндэслэн Монгол Улсын Засгийн газраас ТОГТООХ нь:

1. Төрийн захиргааны албан тушаалын цалингийн сүлжээг 1 дүгээр, Улсын Их Хурал, Ерөнхийлөгч, Засгийн газар, Улсын дээд шүүх, Улсын Ерөнхий прокурорын газар, Үндсэн хуулийн цэц, Хүний эрхийн үндэсний комисс, Төрийн албаны зөвлөл, Үндэсний аюулгүй байдлын зөвлөл, Сонгуулийн ерөнхий хороо болон тэдгээртэй адилтгах төрийн байгууллагын ажлын албаны албан тушаалын цалингийн сүлжээг 2 дугаар, төрийн тусгай албан тушаалын цалингийн сүлжээг 3 дугаар, шинжлэх ухааны салбарын төрийн үйлчилгээний албан тушаалын цалингийн доод жишгийг 4 дүгээр, мэргэжлийн боловсрол олгох сургуулийн төрийн үйлчилгээний албан тушаалын цалингийн доод жишгийг 5 дугаар, сургуулийн өмнөх болон бага, дунд боловсрол эзэмшүүлэх сургалтын байгууллагын төрийн үйлчилгээний албан тушаалын цалингийн доод жишгийг 6 дугаар, эрүүл мэндийн салбарын төрийн үйлчилгээний албан тушаалын цалингийн доод жишгийг 7 дугаар, соёл, урлагийн салбарын төрийн үйлчилгээний албан тушаалын цалингийн доод жишгийг 8 дугаар, төрийн үйлчилгээний бусад байгууллага болон төрийн байгууллагын хэвийн үйл ажиллагааг хангахад туслах албан тушаалын цалингийн доод жишгийг 9 дүгээр хавсралт ёсоор тус тус шинэчлэн баталж, 2010 оны 10 дугаар сарын 1-ний өдрөөс эхлэн дагаж мөрдсүгэй.

2. Энэ тогтоол гарсантай холбогдуулан “Төрийн албан хаагчийн албан тушаалын цалингийн сүлжээ, доод жишгийг шинэчлэн тогтоох тухай” Засгийн газрын 2007 оны 12 дугаар сарын 26-ны өдрийн 351 дүгээр тогтоолыг 2010 оны 10 дугаар сарын 1-ний өдрөөс эхлэн хүчингүй болсонд тооцсугай.

Монгол Улсын Ерөнхий сайд С.БАТБОЛД

Нийгмийн хамгаалал,хөдөлмөрийн сайд Т.ГАНДИ

Татах

http://www.mediafire.com/?k5pgun6s3owuah4

Хөтөлбөрт төсвийг нэвтрүүлэх:Сангийн яамнаас хэрэгжүүлж буй ажлууд

2010 оны 10 сард Сангийн яамнаас танилцуулсан Хөтөлбөрт төсвийн нэвтрүүлэх талаар сангийн яамны хийж буй ажлуудын талаарх танилцуулгыг та бүхэнд хүргэж байна.

Дээрх танилцуулгаас та төсвийн төлөвлөлтийн програм хангамж болон шинээр хийгдэж буй програм хангамжийн талаар мэдлэгтэй болох юм.

татах

Fiscal програмын талаар

Одоогийн төсөв боловсруулах, хянах үйл ажиллагаа нь биет цаасан мэдээлэл дээр үндэслэгдсэн ихээхэн гар ажиллагаатай бөгөөд цөөн хэсэг нь автоматжуулсан байдлаар явагдаж байна.

Одоо ашиглаж байгаа төсвийн төлөвлөлтийн Fiscal 5.31 програм хангамж нь төсвийн байгууллагуудын төсвийг оруулах, нэгтгэх тусдаа бие даасан систем юм. Зарим яамд болон аймгуудад энэхүү програм хангамжийг ашиглан нэгтгэлийн ажлыг гүйцэтгэдэг. Ингэснээр Сангийн яаманд төсвийн мэдээллийг агуулсан электрон хэлбэрийн файлуудыг дамжуулах боломж бүрддэг. Одоогоор ерөнхийлөн захирагчид болон удирдах байгууллагууд сангийн яаманд Fiscal-ийн өгөгдлийн санг дамжуулдаг боловч зарим нь цаасаар авчирсан материалыг системд оруулдаг.

Өнөөгийн төсөвлөлтийн үйл явц нь Засгийн газрын санхүүгийн удирдлагын мэдээллийн системээс (ЗГСУМС) өөр дансны жагсаалт ашиглаж байгаагаас төсвийн дансуудыг хооронд нь уялдуулах хүндрэлийг үүсгэж байна.

Бидний ашиглаж байгаа хувилбар бол Fiscal 6.1 бөгөөд вебд суурилсан төсвийн програм хангамж бүрэн ашиглалтанд орох хүртэл тус програмыг ашиглан төсвийн төлөвлөлт, сар улирлын хуваарийг бэлтгэх болно.

Иймд Боловсролын салбарын төсөв санхүүгийн мэргэжилтнүүдэд зориулсан"Боловсрол, соёл, шинжлэх ухааны салбарын төсвийн төлөвлөлт, тайлагналтын чанарыг сайжруулах нь" сэдэвт сургалтанд танилцуулсан програм хангамжийн талаарх илтгэлээ энд хөрвүүлэв.

Fiscal info

Handout хэлбэрээр татаж авах

“Нээлттэй сургалтын тогтолцоо, нээлттэй их сургуулийг Монгол улсад хөгжүүлэх тухай” семинар

“Нээлттэй сургалтын тогтолцоо, нээлттэй их сургуулийг Монгол улсад хөгжүүлэх тухай” сэдэвт семинарт 10-р сарын 15-нд Континенталь зочид буудалд оролцов. Семинарыг БСШУЯ-ны газрын дарга Р. Бат-Эрдэнэ нээж хэлэхдээ орчин үед нээлттэй эх болон нээлттэй Их сургууль ихэд дэлгэрч үүний дотроос боловсролын нээлттэй эх ихэд дэлгэрч буйг тэмдэглээд Монгол орон ч мөн үүнийг нэвтрүүлэх шаардлагатай болж буйг онцлов. ШУТИС-ийн КТМС-ийн др. профессор А. Эрдэнэбаатар “Боловсролын нээлттэй эх: мэдлэгжсэн нийгмийг байгуулах нь”, “Нээлттэй боловсрол” илтгэлүүд, др. дэд профессор Р.Төрбат “Нээлттэй боловсрол, нээлттэй их сургуулийн олон улсын чиг хандлага”, “Монгол улсын боловсролын системд мэдээллийн технологийг ашиглаж байгаа байдал, нээлттэй боловсролын тогтолцоог хөгжүүлэх хэрэгцээ, шаардлага” илтгэлүүдийг тус тус тавьж хэлэлцүүлэв. Дээрхи судлаачид нь монголд нээлттэй эх болон нээлттэй Их сургуулийг хэрхэн ажиллуулах талаар судалсан ба 11-р сарын сүүлээр бодлого тодорхойлогчдод саналаа танилцуулах ажээ. Ирэх жилээс мэргэжлийн сургалт болон ерөнхий боловсролын чиглэлээр нээлттэй эхийн төсөл хэрэгжиж эхлэх юм байна. 

БСШУЯ, Улаанбаатар хот болон зарим дүүргийн боловсролын газар, хэд хэдэн сургууль, ТББ-ын төлөөлөгчид семинарт оролцов. Оролцогчид санал бодлоо солилцож байсны дотор ур чадвар шалгах уралдаан тэмцээн, нээлттэй хичээлийн видео бичлэгүүд, багш нарын бэлдсэн хичээлийн бичлэг зэргийг вэбэд тавихаас гадна нэгэнт төр мөнгөө төлөөд хийлгэсэн сурах бичгийг ч мөн яам шийдвэр гаргаад нээлттэй болгон вэбүүдэд байршуулах нь зүйтэй гэсэн санал гаргаж байлаа. Бэлдсэн хичээл буйгаа ч багш нар ярьсан.

Бидний зүгээс анхаарах мөн хэд хэдэн асуудал байгаагийн хамгийн тулгамдаж буй нь сургалтын байгууллагууд тэр дундуу ерөнхий боловсролын сургууль цэцэрлэгүүдийн интернэт холболтын хурд нь хангалтгүй байгаа болон мэдээллийн технологийн чиглэлээр шат дараалан олон төрлийн төсөл хөтөлбөр, арга хэмжээнүүд зохиогдож байгаа боловч нэгж байгууллагуудын техник хангамжийн асуудал мөн тулгамдсан хэвээр байгаа нь мэдээллийн технологийн цогц нэгдсэн бодлого дутагдаж байгаа мэт санагдаж байлаа. мөн концессийн төсөлд санал өгч байсны адилаар аливаа асуудлыг зөвхөн төрийн бус олон нийтийн, сонирхогч талуудын оролцоог хангаснаар шийдвэрлэх болох мэт санагдаж байна. үүнд дундаж ерөнхий боловсролын сургууль 1500 хүүхэдтэй бол хүүхэд бүр 1 $ аян зохион байгуулж, эцэг эхчүүд тухайн мөнгийг төлснөөр хүүхдийнхээ суралцаж буй хичээлийн нээлттэй эхтэй болно гэдгээр нь сурталчилж чадвал 2 сая орчим төгрөг тухайн байгууллагат жилд цугларч байгаа нь хангалттай хурд бүхий интернэттэй болох боломж юм. Мөн ерөнхий боловсролын сургуулийн захирлууд мэдээллийн технологи, техник хангамж хариуцсан тусгай орон тоо байхгүй зөвхөн мэдээлэл зүйн багш хариуцдаг учраас өөрийн хичээлийн хажуугаар зарим төрлийн зүйлийг санаачилж дэмжиж хийхэд хүндрэлтэй байдаг талаар саналаа хэлж байна. үүнд КТМС гэх мэт сургуулийн оюутан залуусын дадлагын ажлаа ямар нэг сургууль юм уу цэцэрлэг дээр хийж, тухайн байгууллагын компьютер, дотоод сүлжээний байдлыг сайжруулах, шинэчлэх, тогтворжуулах, багш, ажилтнуудад тодорхой мэдлэг олгох болон нээлттэй эхийн мэдээлэл бэлтгэх, онлайнд тавих зэрэг ажлыг хийх бүрэн боломжтой мэт санагдаж байна. Учир нь сургалтын байгууллагын хувьд байнга ажлын цагаар компьютерийн хүн байх шаардлагагүй учраас энэ нь шийдвэрлэж болох боломжтой мэт санагдаж байна.

Англи хэлний монгол програм

монгол залуусын зохион бүтээсэн Англи хэлний электрон сурах бичгийг та бүхэнд хүргэж байна. Хэлтэй бол хөлтэй гэж яг одоо энэ сурах бичгээс англи хэлээ мэддэг нь сурч, мартсан нь сэргээгээрэй.

Uploaded with ImageShack.us

Электрон толь бичгийн танилцуулга:

Алим 2.0 нь Англи хэлний анхан ба дунд түвшний электрон сурах бичиг юм.

Энэхүү сурах бичиг нь дараах агуулгатай.
1.    Цагаан толгой, дуудлага
2.    Хичээл
3.    Дүрэм – Англи хэлний цагууд
4.    Тест
5.    Толь бичиг
6.    Тоглоом
7.    Хавсралт

Энэ acapella оюутан байхад нэг collection-д байлаа. Өглөө бүр сонсдог байсан энэ дууг одоо олохгүй байгаа. Харин энд тавьсан бол бараг л мөн сонсогдоод байгаа юм да.

So Njoy

Зардлын дундаж норматив батлах тухай 2009 оны 190 дүгээр тогтоол

МОНГОЛ УЛСЫН ЗАСГИЙН ГАЗРЫН ТОГТООЛ

ЗАРДЛЫН ДУНДАЖ НОРМАТИВ БАТЛАХ ТУХАЙ

2009 оны 7 дугаар сарын 1-ний өдөр Улаанбаатар хот

Дугаар 190

Сургуулийн өмнөх боловсролын тухай хуулийн 15.1, Боловсролын тухай хуулийн 40.2, 40.3, Мэргэжлийн боловсрол, сургалтын тухай хуулийн 23.1.2-т заасныг үндэслэн Монгол Улсын Засгийн газраас ТОГТООХ нь:

1. Сургуулийн өмнөх боловсрол эзэмшүүлэхэд нэг хүүхдэд ногдох хувьсах зардлын дундаж нормативыг 1 дүгээр хавсралт, ерөнхий боловсролын сургуулийн нэг суралцагчид бага, дунд боловсрол эзэмшүүлэхэд ногдох хувьсах зардлын дундаж нормативыг 2 дугаар хавсралт, ерөнхий боловсролын сургууль, мэргэжлийн сургалт-үйлдвэрлэлийн төвийн дотуур байрны нэг хүүхдэд ногдох хувьсах зардлын дундаж нормативыг 3 дугаар хавсралт, мэргэжлийн сургалт-үйлдвэрлэлийн төвийн анхан шатны ангийн нэг суралцагчид ногдох хувьсах зардлын дундаж нормативыг 4 дүгээр хавсралт ёсоор тус тус баталсугай.

2. Энэ тогтоол гарсантай холбогдуулан "Зардлын дундаж норматив батлах тухай" Засгийн газрын 2008 оны 7 дугаар сарын 22-ны өдрийн 294 дүгээр тогтоолыг хүчингүй болсонд тооцсугай.

Монгол Улсын Ерөнхий сайд С.БАЯР

Боловсрол,соёл,шинжлэх

ухааны сайд Ё.ОТГОНБАЯР

Татах

http://www.mediafire.com/?jaguvodkqkbbj6b