Алчуурыг минутын дотор зүүх 25 арга

Love this video and style

Цэвэлийн Монгол хэлний тайлбар толины онлайн хаяг

"Өсөхөөс сурсан үндсэн хэл мартаж болшгүй соёл"

Хүний соёлын нэгэн хэмжүүр бол яах аргагүй тухайн хүний хэл ярианы соёл. Тэгвэл монгол хүн таны хэл ярианы соёлыг илэрхийлэх Монгол хэлээрээ та хэр зөв зөв ярьж, өөрийн бодол санаагаа илэрхийлж байна вэ?

Хэл соёл гэдэг цаг үеэ даган байнга хувьсан өөрчлөгдөж байдаг. Цаг хугацааны машин байгаад бид 800 жилийн өмнөх Чингисийн байтугай саяхны Богд хаант Монгол Улсад очиход л харь хүн мэт ярьж ойлголцоход хүндрэл учирна.
Мэдээж одооны дутуу алсан гэдэг шиг дутуу хагас англи хэлтэй хүмүүсийн хэлдгээр "Ярихаар нь ойлгоод байх юм, даанч өөрөө ярихаар нэг л болдоггүй" гэдэг л болно.

Гэтэл тэр ид шидэт цаг хугацааны машины ч хэрэггүй зүгээр л алсхан нэг суманд очоод үеийн залуустай ярихад хүртэл нэг л өөр үг хэллэг хэрэглэж, нэг болсон явдалд тэд инээхэд бид инээдэггүй.

Тэгэхээр ийм хэл соёлын ялгаатай байгаа үед бид монгол хэлээрээ зөв ярьж, зөв ойлголцох нь чухал болж.
Мэдээж эргээд заавал Цэвэлийн толинд заасан үгийг хэрэглэснээр бид Монгол хүн болох уу? Одооны залуус үгүй л гэнэ. Глобалчлагдаж байгаа эрин зуунд амьдарч байгаа гэх залуус заавал тэр үг хэллэгийг мэдэж хэрэглэх ёстой юм уу.

Мэдээж хүн бүр энэ толины дагуу ярих ёсгүй. Гэхдээ монгол хэлний үгийн утга санааг зөв ойлгож, хэрэглэж, бичиж байх нь зайлшгүй юм байна гэдгийг өөрийн биеэр мэдэрч байгаа хүний хувьд та бүхний хэрэгцээнд тус толины онлайн хувилбарыг танилцуулж байна.

http://toli.query.mn/
Мөнх-Оргил.А

Сангийн сайдын 2011 оны 188 дугаар тушаал - Гадаад томилолт

2011 09_12_188

Албан хэрэгцээнд Дагаж мөрдөөрэй.

Төрийн  хэлний зөвлөлийн 2011 оны 10 дугаар сарын 05-ны өдрийн 01 дугаарт тогтоол 

"Кирил бичгийн бичлэгийн стандарт тогтоох тухай"

For girls

Сурахад илүүдэхгүй

Сангийн сайдын 2011 оны 129 дүгээр тушаал - Төрийн сангийн журам

2011 06-07-129

View more documents from Munkh Orgil.

МОНГОЛ УЛСЫН 2012 ОНЫ ТӨСВИЙН ТӨСӨЛ

Монгол Улсын 2012 оны төсвийн тухай, Нийгмийн даатгалын сангийн 2012 оны төсвийн тухай, Хүний хөгжил сангийн 2012 оны төсвийн тухай хуулийн төслүүдийг Төсвийн тогтвортой байдлын тухай, Төсвийн байгууллагын удирдлага, санхүүжилтийн тухай, Нэгдсэн төсвийн тухай хуулийн холбогдох зүйл, заалтыг баримтлан боловсрууллаа.

Төсвийн орлогын бодлого нь 2012 онд төсвийн тэнцвэрт харьцааг хадгалах хэмжээнд орлогын боломжит эх үүсвэрийг бүрэн дайчлах, нийгэм, эдийн засгийн хөгжлийн зорилтыг биелүүлэх, төсвийн орлогын тогтвортой бааз суурийг өргөжүүлэх, татвар хураалтыг эрчимжүүлэх, төсвөөс санхүүжүүлэх хөтөлбөр арга хэмжээг жигд хэрэгжүүлэх эх үүсвэрийг бүрдүүлэх зарчмыг баримтална.

Сүүлийн жилүүдэд эдийн засаг эрчимтэй сэргэх шатанд орж, улмаар уул уурхайн салбарын өсөлтийг дагасан хувийн хэвшлийн үйл ажиллагаа эрчимжихийн хэрээр ард иргэдийн зарим хэсгийн орлого, хэрэглээ эрс нэмэгдэж байгаатай холбогдуулан татварын бодлогоор дамжуулан орлогын тэгш шударга зарчмыг хангах зорилгоор хууль эрх зүйн орчинг бүрдүүлж, холбогдох арга хэмжээг авч хэрэгжүүлнэ.

Манай улсын хувьд ашигт малтмалын бүтээгдэхүүний экспорт 2002 оны байдлаар нийт экспортын 50 орчим хувийг эзэлж  байсан бол өнөөдөр 90 орчим хувийг эзэлж байна. Цаашид ч энэхүү хандлага хэвээр хадгалагдахаар байгаа бөгөөд стратегийн ач холбогдол бүхий томоохон төслүүдийн бүтээн байгуулалтын үе шат дуусч олборлолтын үйл ажиллагаа эхэлснээр ашигт малтмалын бүтээгдэхүүний экспорт манай улсын нийт экспортын 98 хүртэл хувийг эзлэх хандлагатай байна.

Иймд ашигт малтмалын нөөцийг урт удаан хугацаанд үр өгөөжтэй ашиглах, төсвийн орлогын тогтвортой эх үүсвэрийг бүрдүүлэх зорилгоор уул уурхайн салбарын татварыг оновчтой түвшинд тогтоох, татварын бодлогоор дамжуулан уул уурхайн эцсийн бүтээгдэхүүн үйлдвэрлэлийг дэмжин экспортод гарч буй зарим нэр төрлийн уул уурхайн бүтээгдэхүүнд экспортын татвар ногдуулахаар хууль эрх зүйн орчинг бүрдүүлнэ.

МОНГОЛ УЛСЫН 2011 ОНЫ ТӨСВИЙН ТОДОТГОЛЫН ТӨСӨЛ

 1.      Төсвийн өнөөгийн байдал

 Монгол Улсын 2011 оны нэгдсэн төсвийн нийт тэнцвэржүүлсэн орлого 3,304.6 тэрбум төгрөг буюу ДНБ-ий 42.2 хувь, нийт зарлага 4,084.1 тэрбум төгрөг буюу ДНБ-ий 52.1 хувь, төсвийн алдагдал 779.5 тэрбум төгрөг буюу ДНБ-ий 9.9 хувийн үзүүлэлттэйгээр УИХ-аар батлагдсан.

 Монгол Улсын нэгдсэн төсвийн тэнцвэржүүлсэн нийт орлого 2011 оны эхний 7 дугаар сарын гүйцэтгэлээр 400.1 тэрбум төгрөгөөр, улсын төсвийн орлого 248.8 тэрбум төгрөгөөр, орон нутгийн төсөв 36.9 тэрбум төгрөгөөр, Хүний хөгжлийн сан 27.9 тэрбум төгрөгөөр, нийгмийн даатгалын сангийн орлого 48.6 тэрбум төгрөгөөр тус тус давж биеллээ.

 Аж үйлдвэрийн салбарын бүтээгдэхүүний нийт үйлдвэрлэл  2011 оны эхний 7 сард 1,083.9 тэрбум төгрөг болж, өмнөх оны мөн үеийнхээс 69.3 тэрбум төгрөг буюу 6.8 хувиар өссөн нь төсвийн орлого нэмэгдэхэд голлон нөлөөлсөн байна. Энэхүү өсөлтөд зэсийн баяжмал, металл агуулгаараа, газрын тос, нүүрс, төмрийн хүдэр зэрэг уул уурхай, олборлох аж үйлдвэрийн салбарын гол нэр төрлийн бүтээгдэхүүний үйлдвэрлэл 0.1 хувиас 78.2 хувь, талх, ган төмөр хийц, самнасан ноолуур, сүү, хиамны зүйл, жүүс, одон медаль, сүлжмэл эдлэл, архи, амтат ус, ундаа, зүсмэл материал, цемент, хивс, шар айраг, тамхи, бетон зуурмаг, цахилгааны утас зэрэг боловсруулах аж үйлдвэрийн салбарын үндсэн нэр төрлийн бүтээгдэхүүний үйлдвэрлэл 0.3 хувиас 8.6 дахин нэмэгдсэн нь голлон нөлөөлжээ.

 Мөн нийт бараа эргэлтийн хэмжээ өмнөх оны мөн үеийнхээс 2,576.3 сая ам.доллар буюу 80.3 хувь, үүнээс импортын хэмжээ 1,773.2 сая ам.доллар буюу 2.1 дахин, экспортын хэмжээ 803.1 сая ам.доллар буюу 52.2 хувиар өссөн нь нөлөөлсөн байна. Түүнчлэн нийт импортод эзлэх татвартай импортын хувь хэмжээ олон жилийн дунджаас 8 орчим функтээр нэмэгдэн 91 хувь болсон зэрэг нь төсвийн орлого давж биелэхэд гол нөлөө үзүүлсэн байна.

 Монгол Улсын нэгдсэн төсвийн орлого төлөвлөснөөс давж биелсэн  нь дэлхийн зах зээл дэх уул уурхайн бүтээгдэхүүний үнэ эхний 7 сарын гүйцэтгэлээр төлөвлөсөн хэмжээнээс тогтвортой өндөр байсантай холбоотой юм. Энэ оны эхний 7 сарын байдлаар уул уурхайн бүтээгдэхүүн экспортлогч аж ахуйн нэгжүүд төсөвт 793.8 тэрбум төгрөгийн орлогыг төсөвт төвлөрүүлсэн байна. Үүнээс 194.9 тэрбум төгрөг нь нүүрсний экспортоос, 352.8 тэрбум төгрөг нь зэсийн экспортоос, 24.5 тэрбум төгрөг нь төмрийн хүдэр, баяжмалаас тус тус төвлөрсөн байна.

 Уул уурхайн бүтээгдэхүүний талаарх мэдээллийг харуулбал дараахь байдалтай байна.

Орлогын бүтцийг авч үзвэл Монгол Улсын нэгдсэн төсвийн тэнцвэржүүлсэн нийт орлого татварын орлогоор 88.1 хувь, татварын бус орлогоор 11.6 хувь, хөрөнгийн орлогоор 0.4 хувь тус тус бүрдсэн байна.

Steve Jobs - Rest in Peace

 Аpple Personal Computer, iPad, iPod, iPhone-ийг бүтээсэн Steve Jobs 56 насандаа өөд болжээ. 

Apple компанийг бид Макинтош компьютер, iPhone утас, iPod, iPad төхөөрөмжүүдээр нь сайн мэдэх билээ. Уг компанийн болон захирал Стив Жобс нь 1955 оны 2-р сарын 24-нд АНУ-ийн Калифорни мужийн Сан Франциско хотод мэндэлсэн бєгєєд 1976 онд анх Apple-г vvсгэн байгуулж байжээ. Дашрамд дурдахад тэрээр хамгийн анхны PC буюу Desktop компьютерийг зохиосон билээ.

Дэлхийн мэдээлэл, технологийн салбарт шинэчлэлийг авчирсан шилдэг CEO болох агуу энэ хүн бурханы оронд тайван нойрсох болтугай

R.I.P

Хүний шүлгүүд яг л миний бодрол шиг ... 2

Баярын дараах бодрол, эргэцүүлэл бүхнийг агуулсан ч юу ч бодогдохгүй тийм л өдөр

өөрөө тэрлэе гээд үгс гардаггүй ийм өдөр өрөөлийн шүлгээр өөрийгөө илэрхийлэхээс өөр санаа алга да

Хүний шүлгүүд яг л миний бодрол шиг

******************************
 Хүсэл бүхний үзүүрт
Хясал байдгийг мартаад
Хүнийх байх тусмаа 
Хөөрхөн харагдаад

Инээмсэглэх тоолонд нь
Зүрх зүсэгдээд
Ирмэх бүрт нь 
Зүүд үргэлжлээд

Урдуур хойгуур эргэлдээд
Уруулаа янаг хазлаад
Харц хальт хальт тулгараад
Хачин бодол тархи эзэмдээд

Хундага харшаад, дарс цалгилаад
Хуруунууд сэм тэмтрэлцээд
Ширээн доогуур хөлөөрөө илбээд
Ширтээд байгаа нь бусдад анзаарагдаад...

***

Харин би
Хүсэл бүхний үзүүрт
Хясал байдгийг мартаад
Хүний хүн гэдгээ түрхэн зуур умартаад
Хүүхэн хонгор чамруу инээмсэглэж л чадна.

********************************

Шинэ үеийн боловсролын 90 жилийн ойн баярын мэнд хүргэе

Боловсролын салбарын нийт хүмүүсд онцгойлон хамт олондоо Шинэ үеийн боловсролын 90 жилийн ойн баярын мэнд хүргэе. 

УИХ-д өргөн барьсан 2012 оны төсвийн төсөл

 Ерөнхий сайд  С.Батболдын Монгол Улсын 2012 оны төсвийг УИХ-д өргөн барьсантай холбогдуулан өгсөн мэдээлэл -

Монгол Улсын Засгийн газраас 2012 оны улсын төсвийн төслийг боловсруулан хуулийн хугацаанд УИХ-д өргөн мэдүүллээ. Монгол Улсын 2012 оны төсөв нь сонгуулийн бүрэн эрхийн хугацааны  сүүлийн жилийн  төсөв гэдгээрээ онцлог болсон юм.  Иймд Засгийн газрын үйл ажиллагааны хөтөлбөрийг бүрэн биелүүлэхэд чиглэсэн нөөц боломжоо шахуу дайчилсан төсөв гэж үзэж байна.

2012 оны эцэст нэг хүнд ногдох ДНБ 6.4 сая төгрөг буюу 5362 ам.долларт хүрнэ. 2012 оны төсвийн төслийг боловсруулахад нэгдсэн төсвийн тэнцвэржүүлсэн орлого 6.4 их наяд төгрөг буюу ДНБ-ний 35.4 хувь, нэгдсэн төсвийн нийт зарлага 7.1 их наяд төгрөг буюу ДНБ-ний 39.5 хувь байхаар боловсрууллаа. 

Нэгдсэн төсвийн нийт алдагдал ДНБ-ний 4.1 хувьд хүрлээ. (2011 оны төсвийн алдагдал 9.9 хувиар батлагдсан. Үүнтэй зэрэгцүүлж үзвэл 2012 оны төсвийн алдагдал 2.4 дахин буурахаар байна)