Монгол Улсын Засгийн газрын 2001 оны 90 дүгээр тогтоол

ЗАСГИЙН ГАЗРЫН ТОГТООЛ
ТӨРИЙН ҮЙЛЧИЛГЭЭНИЙ ЗАРИМ АЛБАН ХААГЧДЫН ЦАЛИНГИЙН НЭМЭГДЛИЙН ТУХАЙ

2001 оны 4 дүгээр сарын 20-ны өдөр                                                                                                                                                                         Улаанбаатар хот


Дугаар 90

Төрийн албаны тухай хуулийн 28 дугаар зүйлийн 2 дахь хэсгийн 4 болон 8 дахь хэсэгт заасныг үндэслэн Монгол Улсын Засгийн газраас ТОГТООХ нь :

1. Аймаг, сумын эмнэлэг, аймаг, нийслэлийн өрхийн эмнэлгийн ажилтнуудад олгох цалингийн нэмэгдлийг 1 дүгээр, аймаг, сумын ерөнхий боловсролын сургууль, цэцэрлэг, соёлын төвийн ажилтнуудад олгох цалингийн нэмэгдлийг 2 дугаар хавсралт ёсоор баталж 2001 оны 4 дүгээр сарын 15-ны өдрөөс эхлэн мөрдүүлсүгэй.

2. Энэ тогтоол гарсантай холбогдуулан “Төрийн албан хаагчийн цалингийн талаар авах зарим арга хэмжээний тухай” Засгийн газрын 1998 оны 4 дүгээр сарын 15-ны өдрийн 52 дугаар тогтоолын 4 дүгээр хавсралтын хоёрын 2 дахь хэсгээс “...хөдөөгийн сум, өрхийн их эмч, багийн бага эмч” гэснийг тус тус хассугай.

Монгол Улсын Ерөнхий сайд                                                        Н.ЭНХБАЯР
Санхүү, эдийн засгийн сайд                                                          Ч.УЛААН
Нийгмийн хамгаалал, хөдөлмөрийн сайд                                       Ш.БАТБАЯР

Засгийн газрын 2001 оны 90 дүгээр

тогтоолын 1 дүгээр хавсралт

АЙМАГ, СУМЫН ЭМНЭЛЭГ, АЙМАГ, НИЙСЛЭЛИЙН ӨРХИЙН ЭМНЭЛГИЙН АЖИЛТНУУДАД ОЛГОХ ЦАЛИНГИЙН НЭМЭГДЭЛ

¹	Албан тушаал	Сарын нэмэгдлийн       хэмжээ (хувиар)
1 2 3	Аймгийн төвийн эмнэлгийн ерөнхий эмч, эмчилгээ эрхэлсэн орлогч дарга, эмчилгээ, чанарын хяналтын менежер, их эмч, бага эмч, лаборант, эх баригч-бага эмч, рентген техникч, шүдний техникч, ерөнхий сувилагч, сувилагч, дүн бүртгэгч их эмч, ариутгагч, түргэн тусламжийн жолооч Өрхийн сувилагч; сумын эмнэлгийн сувилагч, лаборант, жолооч Өрхийн эмч; сумын эмнэлгийн эрхлэгч эмч, их эмч, бага эмч, багийн бага эмч	10 15 20

Засгийн газрын 2001 оны 90 дүгээр

тогтоолын 2 дугаар хавсралт

АЙМАГ, СУМЫН ЕРӨНХИЙ БОЛОВСРОЛЫН СУРГУУЛЬ, ЦЭЦЭРЛЭГ, СОЁЛЫН ТӨВИЙН АЖИЛТНУУДАД ОЛГОХ ЦАЛИНГИЙН НЭМЭГДЭЛ

¹	Албан тушаал	Сарын нэмэгдлийн хэмжээ (хувиар)
		Аймгийн төвийн  суманд	Хөдөөгийн суманд
1	Боловсрол, соёлын төвийн захирал, ерөнхий боловсролын сургуулийн захирал, хичээлийн эрхлэгч, нийгмийн ажилтан, хүүхдийн цэцэрлэгийн эрхлэгч, соёлын төвийн эрхлэгч, музейн эрхлэгч, номын сангийн эрхлэгч	10	15
2	Ерөнхий боловсролын сургуулийн багш, хичээлийн туслах ажилтан (лаборант), номын санч, дотуур байрын хүмүүжүүлэгч багш; хүүхдийн цэцэрлэгийн багш, туслах багш, дуу хөгжмийн багш; соёлын төвийн дуу, хөгжим, бүжгийн багш, кино механикч, номын санч; музейн тайлбарлагч, арга зүйч, сан-хөмрөгийн эрхлэгч; боловсрол, соёлын төвийн арга зүйч	8	10