Мэдээлэл-Үр дүн төвлөрүүлэх данс

Үр дүнгийн урамшууллын 2010 оны үлдэгдэл төвлөрүүлэх данс 900080001 

Үр дүнгийн урамшууллын 2009 оны үлдэгдэл төвлөрүүлэх данс 900000601

2010 оны 4-р улирлын үр дүнгийн урамшуулал

А вируст гепатит өвчиний талаар

Засгийн газрын 2010 оны 11 дүгээр сарын 17-ны өдрийн ээлжит хуралдаанаар  улсын хэмжээнд болон Говь-Алтай аймагт гарч байгаа вируст гепатит өвчний дэгдэлт ихсэж байгаа[1] болон Улаанбаатар хотын гэр хорооллын сургууль, цэцэрлэг, бусад аймагт өвчлөл их гарч байгаа учир холбогдох арга хэмжээг яаралтай авахыг Эрүүл мэндийн болон Боловсрол, соёл, шинжлэх ухааны сайдад даалгасан. Боловсролын салбарын байгууллагын тус халдварт өвчинөөр өвчилсөн хүүхдийн судалгаа авсан бөгөөд  Аймаг нийслэлийн боловсрол соёлын газруудад доорхи зөвлөмжийг хүргүүлсэн. 

Мөн даалгаврын дагуу Боловсрол соёл шинжлэх ухааны сайд боловсролын байгууллагын орчины эрүүл ахуйг хангах ажлыг эрчимжүүлэх, гар ариутгалын бодис, төхөөрөмжийг суурилуулах зардлыг дараах байдлаар тооцоолж, боловсролын салбарын хэмнэлтийн данснаас 950.6 сая төгрөг зарцуулахаар Сангийн сайдтай хамтарсан 2010 оны 12 дугаар сарын 03-ны өдрийн 533/259 тоот тушаалаар баталгаажуулсан юм. Үүнд:

1.            Төрийн Ерөнхий боловсролын сургууль болон хүүхдийн цэцэрлэгийн анги танхим бүрт[2] гар ариутгагч шингэн бодисын хуваарилагч савыг байрлуулж тус оны сүүлийн хоёр сард шаардлагатай ариутгагч бодисыг нийлүүлнэ. Үүнд төрийн нийт ерөнхий боловсролын сургуулийн 12422 анги, хүүхдийн цэцэрлэгийн 3478 анги нийт 15900 анги танхимд гар ариутгагч савыг, шаардлагатай санитолын хамт нийлүүлэх /Нэгдсэн журмаар/

2.            Халдварт өвчний дэгдэлтийг бууруулахад зайлшгүй хийх шаардлагатай дараагийн арга хэмжээ бол орчиний ариутгал цэвэрлэгээг сайжруулж эрчимжүүлэх бөгөөд үүнд нийт 15900 анги танхимын тоогоор[3] цэвэрлэгээ ариутгалын бодис болон цэвэрлэгээний хэрэгсэлийг нэмж нийлүүлэхэд 298,9 сая төгрөг, төрийн 609 сургууль, 696 цэцэрлэгийн[4]орчины хог цэвэрлүүлж ачуулах зардлыг тус тус баталсан. 

БСШУЯ болон орон нутгийн Боловсрол, соёлын газрууд дээрх тушаалын дагуу ажлыг түргэн шуурхай зохион байгуулж сургууль, цэцэрлэгүүдэд шаардлагатай орчины болон хүүхдүүдийн ариутгал халдваргүйжүүлэлтийн ажлыг зохистой түвшинд хийлгэх зорилгоор ажиллаж байна.

---

[1] Вируст гепапит А өвчин Улаанбаатар хот, Хэнтий, Говь-Алтай, Дорноговь, Өвөрхангай, Дархан-Уул, Хөвсгөл аймагт голомтлон гарч байна. Он гарсаар Улаанбаатар хотод энэ өвчнөөр 380 хүүхэд өвчилсөн. Говь-Алтай аймагт энэ өвчний 384 тохиолдол бүртгэгдсэний 272 нь 9 дүгээр сарын 1-нээс 10 дугаар сарын 13-ны хооронд гарсан байна.

[2] БСШУ-ны салбарын 2010-2011 оны хичээлийн жилийн урьдчилсан статистик мэдээ

[3] БСШУ-ны салбарын 2010-2011 оны хичээлийн жилийн урьдчилсан статистик мэдээ

[4] БСШУ-ны салбарын 2010-2011 оны хичээлийн жилийн урьдчилсан статистик мэдээ

Монгол Улсын 2011 оны төсөв батлагдлаа

Монгол Улсын 2011 оны төсвийн тухай хуулийн төсөл, Нийгмийн даатгалын сангийн 2011 оны төсвийн тухай хуулийн төсөл, Хүний хөгжил сангийн 2011 оны төсвийн тухай хуулийн төслүүдийг УИХ-ын чуулганы 2010 оны 11 дүгээр сарын 25-ны хуралдаанаар хэлэлцэн баталсан.
Монгол улсын 2011 оны нэгдсэн төсвийн тэнцвэржүүлсэн нийт орлого 3,304.6 тэрбум төгрөг буюу ДНБ-ий 42.2 хувь, тэнцвэржүүлсэн орлогод нийцүүлэн нэгдсэн төсвийн нийт зарлага 4,084.1 тэрбум төгрөг буюу ДНБ-ий 52.1 хувь, нэгдсэн төсвийн нийт алдагдал 779.5 тэрбум төгрөг буюу  ДНБ-ий -9.9 хувь болж байна.
Үүнд, Улсын төсвийн 2011 оны нийт орлого 2,492.3 тэрбум төгрөгт хүрч, нийт зарлага 2,782.7 тэрбум төгрөгт төлөвлөгдөн улсын төсвийн нийт тэнцэл 290.4 тэрбум төгрөгийн алдагдалтай байна.
Харин Хүний хөгжил сангийн 2011 оны төсвийн нийт орлого 301.2 тэрбум төгрөг, нийт зарлага 805.2 тэрбум төгрөг байхаар батлагдлаа.

Russia - FIFA World Cup 2018

Хүмүүс ээ 2018 оны хөлбөмбөгийн ДАШТэмцээн ОХУ-д болхоор болсым бна ш дэ.
Ажил ихтэй явж байгаад цаг үеэсээ хоцорлоо ш дэ.

Яг дэргэд бараг манайд болох юм байна ш дэ. Бүгдээрээ үзэхээр өнөөдрөөс эхлэн цалин мөнгө, хандив тусламжаа хураацгаая.

БСШУ, Сангийн сайдын хамтарсан тушаал "Итгэлцүүр батлах тухай"

БОЛОВСРОЛ, СОЁЛ, ШИНЖЛЭХ УХААНЫ САЙД,

САНГИЙН САЙДЫН ХАМТАРСАН ТУШААЛ

2007 оны 8 дугаар сарын 31-ний өдөр

Дугаар 306/237

Улаанбаатар хот

                                               

Итгэлцүүр батлах тухай

Монгол улсын Боловсролын тухай хуулийн 40 дүгээр зүйлийн 40.5 дах заалт, Нэгдсэн төсвийн тухай хуулийн 6 дугаар зүйлийн 6.1.3,  Төсвийн байгууллагын удирдлага санхүүжилтын тухай хуулийн  8 дугаар зүйлийн 8.1.4 дэх заалтуудыг тус тус үндэслэн  ТУШААХ нь:

1. Ерөнхий боловсролын сургуулийн нэг сурагчид ногдох хувьсах зардлын дундаж хэмжээг тооцох итгэлцүүрийг нэгдүгээр, цэцэрлэгийн нэг сурагчид ногдох хувьсах зардлын дундаж хэмжээг тооцох итгэлцүүрийг хоёрдугаар хавсралтаар тус тус баталсугай.

2. Энэ тушаалыг  2007 оны 9 дүгээр сарын 1-нээс эхлэн мөрдөхийг ерөнхий боловсролын сургууль, хүүхдийн цэцэрлэгийн ерөнхий менежер нарт үүрэг болгосугай.

3. Тушаалын биелэлтэд хяналт тавьж ажиллахыг Боловсрол, соёл, шинжлэх ухааны яамны Санхүү, эдийн засгийн газрын дарга /Ц.Даваасүрэн/, Сангийн яамны Төсвийн бодлого зохицуулалтын газрын дарга /Б.Батжаргал/ нарт даалгасугай.

БОЛОВСРОЛ, СОЁЛ,                                                                   САНГИЙН САЙД

ШИНЖЛЭХ УХААНЫ САЙД       

                             

Ө.ЭНХТҮВШИН                                                                               Н.БАЯРТСАЙХАН

ТЭМДЭГЛЭЛТ ӨДРYYД [Бүртгэл,санхүү, эдийн засгийн ажилтны өдөр]

ТЭМДЭГЛЭЛТ ӨДРYYД [Бүртгэл,санхүү, эдийн засгийн ажилтны өдөр]

Засгийн газрын 2004 оны 163 дугаар тогтоолын 1 дvгээр хавсралаар хэзээ ямар тэмдэглэлт өдөр болдог талаарх мэдээллийг үзнэ үү. Нийт 51-н тэмдэглэлт өдөр байдаг ба Санхүү, эдийн засагчдын өдөр-12 дугаар сарын 2 дахь Ням гарагт болдог юм байна. Нийт санхүүчиддээ санхүүчдийн баярын мэнд хүргэе 1. Багш нарын өдөр-жил бүрийн 2 дугаар сарын эхний Ням гараг; 2. Хөдөлмөр, нийгмийн хангамжийн ажилтны өдөр-2 дугаар сарын хоёр дахь Ням гараг;

Нэг хичээлийн жилд цэцэрлэгийн хүүхдийн эцэг эхээс бэлтгүүлэх сургалтын хэрэглэгдэхүүн, ариун цэврийн хэрэгслийн жагсаалт

МОНГОЛ УЛСЫН

БОЛОВСРОЛ, СОЁЛ, ШИНЖЛЭХ УХААНЫ

САЙДЫН ТУШААЛ

2004 оны 12 дугаар сарын 28-ны өдөр                                Дугаар 85                                  Улаанбаатар хот

Жагсаалт шинэчлэн батлах тухай

Монгол улсын Засгийн газрын 2001 оны 119 дүгээр тогтоолоор батлагдсан "Сургуулийн өмнөх боловсрол-2" үндэсний хөтөлбөрийг хэрэгжүүлэх ажлын хүрээнд хүүхдийн цэцэрлэгийн сургалтын хэрэглэгдэхүүн, ариун цэврийн хэрэгслийн хангамж, чанарыг сайжруулах зорилгоор ТУШААХ нь:

          1.Нэг хичээлийн жилийн хугацаанд цэцэрлэгийн хүүхдийн эцэг, эхээс бэлтгүүлэн хэрэглэх сургалтын хэрэглэгдэхүүн, ариун цэврийн хэрэгслийн жагсаалтыг хавсралтын ёсоор шинэчлэн баталсугай.

          2.Тушаалыг хэрэгжүүлэх ажлыг 2005 оны 8 дугаар сараас эхлэн зохион байгуулахыг цэцэрлэгийн эрхлэгч нарт, хэрэгжилтэд хяналт тавьж ажиллахыг аймаг, нийслэлийн Боловсрол, соёлын газрын дарга нарт тус тус үүрэг болгосугай.

          3. Хүүхдийн эрүүл мэнд, эрүүл ахуйн шаардлагыг хангасан, чанартай сургалтын хэрэглэгдэхүүн, ариун цэврийн хэрэгсэл бэлтгэж өгөхийг эцэг эхчүүдэд үүрэг болгосугай.

          4.Энэхүү тушаал гарсантай холбогдуулан "Жагсаалт шинэчлэн батлах тухай" Боловсрол, Соёл, Шинжлэх Ухааны сайдын 2002 оны 21 дүгээр тушаалыг хүчингүй болсонд тооцсугай.

                                                          САЙД                                                           П.ЦАГААН

Хүүхдийн цэцэрлэгийн аюулгүй байдлын дүрэм

МОНГОЛ УЛСЫН

БОЛОВСРОЛ, СОЁЛ, ШИНЖЛЭХ УХААНЫ

САЙДЫН ТУШААЛ

     2008 оны 11 дүгээр сарын 13-ны өдөр                                       Дугаар 68                                 Улаанбаатар хот

     

                                                                                Дүрэм батлах тухай

       

   Монгол улсын “Боловсролын тухай” хуулийн  28.1.2  дахь заалт,  “Сургуулийн өмнөх боловсролын тухай” хуулийн 8.5 дахь заалтыг тус тус  үндэслэн ТУШААХ нь:

 1.  “Хүүхдийн цэцэрлэгийн аюулгүй байдлын дүрэм”-ийг хавсралтын ёсоор  баталсугай.

       2.  Тушаалыг хэрэгжүүлэх ажлыг зохион байгуулахыг төрийн ба төрийн бус өмчийн цэцэрлэгийн эрхлэгч, тушаалын хэрэгжилтэд хяналт тавьж ажиллахыг аймаг, нийслэлийн Боловсрол, соёлын газрын дарга нарт тус тус даалгасугай.

       3.  Энэхүү тушаал батлагдсантай холбогдуулан Ардын  Боловсролын яамны сайдын 1987 оны 46 дугаар тушаалаар баталсан “Цэцэрлэгийн хүүхдийг элдэв осол гэмтлээс хамгаалах дүрэм“-ийг хүчингүй болсонд тооцсугай.

 

                               САЙД                                         Ё. ОТГОНБАЯР

Улирлын ажлын үр дүнгээр мөнгөн урамшил олгох журам

МОНГОЛ УЛСЫН ЗАСГИЙН ГАЗРЫН ТОГТООЛ

   
           2008 оны 12 дугаар                                                                                                         
           сарын  10-ны  өдөр                                       Дугаар 54                                           Улаанбаатар  хот

Улирлын ажлын үр дүнгээр мөнгөн
урамшил олгох тухай

       Төрийн албаны тухай хуулийн 31.3, Төрийн албаны зөвлөлийн саналыг үндэслэн Монгол Улсын Засгийн газраас ТОГТООХ нь:

    1. Төрийн өмчит ерөнхий боловсролын сургууль, хүүхдийн цэцэрлэгийн багш, бусад албан хаагчид улирлын ажлын үр дүнгийн мөнгөн урамшлыг үндсэн цалингийн 10-15 хувиар сар бүр тооцож, 2009 оны 1 дүгээр сарын 1-ний өдрөөс эхлэн улирал тутам олгож байсугай.

    2. “Улирлын ажлын үр дүнгээр мөнгөн урамшил олгох журам”-ыг хавсралтын ёсоор баталсугай.

    3. Улирлын ажлын үр дүнгийн мөнгөн урамшил олгоход шаардагдах хөрөнгийг жил бүрийн төсөвт тусган санхүүжүүлэх арга хэмжээ авахыг Боловсрол, соёл, шинжлэх ухааны сайд Ё.Отгонбаяр, Сангийн сайд С.Баярцогт нарт үүрэг болгосугай.

                             Монгол Улсын Ерөнхий сайд                                                 С.БАЯР

                             Боловсрол, соёл, шинжлэх
                             ухааны сайд                                                                        Ё.ОТГОНБАЯР

                              Сангийн сайд                                                                     С.БАЯРЦОГТ

УИХ-д өргөн барьсан 2011 оны төсвийн төсөл

Монгол Улсын нэгдсэн төсвийн тухай хуулийн 3 дугаар зүйлийн 3.2.1-д “Улсын Их Хурлаас баталсан Засгийн газрын бүрдүүлэн, зарцуулах төсвийг улсын төсөв гэнэ” гэж, Төсвийн байгууллагын удирдлага, санхүүжилтийн тухай хуулийн 32 дугаар зүйлийн   32.1-д “Засгийн газар улсын төсвийн төсөл, төсвийн ерөнхийлөн захирагч бүрийн эрхлэх асуудлын хүрээний төсвийн төсөл холбогдох бусад баримт бичгийг 10 дугаар сарын       1-ний өдрийн өмнө Улсын Их Хуралд өргөн мэдүүлнэ” гэж, 33 дугаар зүйлийн 33.1-д “Улсын Их Хурал Засгийн газраас өргөн мэдүүлсэн төсвийн баримт бичиг, хуулийн төслийг хэлэлцэж батална” гэж тус тус заасны дагуу 2011 оны төсвийн төслийг боловсрууллаа.

Монгол Улсын Засгийн газар ОУВС-тай хамтран богино хугацааны тогтворжуулалтын хөтөлбөр болох “Стэнд бай” хөтөлбөрийг амжилттай хэрэгжүүлж дуусч байгаа бөгөөд хөтөлбөрийн хүрээнд 2011 оны төсвийн зарлагын дээд хязгаарыг 3250 тэрбум төгрөг байхаар тогтоосон билээ. Энэхүү хязгаарт багтаан 2011 оны төсвийн төслийг боловсруулсанаар 2010 онд Дэлхийн Банк, Азийн хөгжлийн банк, Японы Засгийн газраас нийт 70 сая ам.доллартай тэнцэх зээлийн хөрөнгийг улсын төсөвт авч ашиглах нөхцөл бүрдэх болно.

Эх сурвалж: www.iltod.gov.mn

Сангийн сайдын2010 оны 48 дугаар тушаал

МОНГОЛ УЛСЫН САНГИЙН САЙДЫН ТУШААЛ  
ЖУРАМ БАТЛАХ ТУХАЙ

2010 оны 03 дугаар сарын 09-ний өдөр                                                                           Улаанбаатар хот

Дугаар 48

            "Монгол Улсын нэгдсэн төсвийн тухай хуулийн 6 дугаар зүйлийн 6,.1.3 дахь заалт, Төсвийн байгууллагын удирдлага санхүүжилтийн тухай хуулийн 8 дугаар зүйлийн 8.1.4 дэх заалт, "Хууль хэрэгжүүлэх зарим арга хэмжээний тухай" Улсын Их Хурлын 2009 оны 27 дугаар тогтоолын 1.2 дахь хэсэг, "Монгол Улсын төсвийн орлого, зарлага, хөтөлбөр, арга хэмжээний ангиллыг батлах тухай" Засгийн газрын 2009 оны 99 дүгээр тогтоолын 4 дэх заалтыг тус тус үндэслэн ТУШААХ нь:

Нэг. "Төсвийн санхүүжилтийн болон зарцуулалтын эрхийн тухай журам"-ыг 1 дүгээр хавсралтаар, бүлгийн дүнгээр хяналт тавих бараа үйлчилгээний зардлын бүлэглэлийг 2 дугаар хавсралтаар, эдийн засгийн ангилал тус бүрээр хяналт тавих зардлын зүйлийг 3 дугаар хавсралтаар тус тус шинэчлэн баталсугай.

Хоёр. Батлагдсан журмыг төсвийн эрх захирагч нарт болон аймаг, нийслэлийн Санхүү, төрийн сангийн хэлтэсүүдэд хүргүүлэн мөрдүүлэх зохион байгуулалтын арга хэмжээ авч ажиллахыг Төрийн сангийн газар /Х.Пүрэвсүрэн/-т үүрэг болгосугай.

Гурав. Батлагдсан журмын хэрэгжилтэд хяналт тавьж ажиллахыг Төрийн нарийн бичгийн дарга /Д.Баттөр/-д даалгасугай.

Дөрөв. Энэ тушаал гарсантай холбогдуулан Сангийн сайдын 2009 оны 6 дугаар сарын 22-ний өдрийн 147, 2009 оны 10 дугаар сарын 19-ний өдрийн 224 дугаар тушаалаар батлагдсан "Төсвийн санхүүжилтийн болон зарцуулалтын эрхийн тухай журам"-ыг хүчингүй болсонд тооцсугай.

САЙД                                      С.БАЯРЦОГТ

Сангийн сайдын2010 оны 48 дугаар тушаал

Education Finance and Decentralisation in Asia /семинарын танилцуулга/

Тайланд улсын Банконг хотод 2010 оны 11 дүгээр 
сарын 3-5 ны өдрүүдэд ЮНЕСКО-гийн Банконг
салбарын зүгээс зохион байгуулсан Бүс нутгийн 
бодлогын семинар болох "Азийн боловсролын 
санхүүжилт болон төвлөрлийг сааруулах нь" сэдэвт 
семинарт оролцоод ирлээ. Нийт 14 улс орны боловсролын 
салбарын шийдвэр гаргах түвшний байгууллагуудын 
төлөөлөгчид болон Юнескогийн Банконг дахь салбарын 
ажилтанууд болон олон улсын байгууллагуудын зөвлөхүүд 
оролцсон.
Тус семинар нь бүс нутгийн орнуудын боловсролын 
системийн өнөөгийн байдал, төсвийн төвлөрлийг сааруулах талаар авч хэрэгжүүлж буй арга хэмжээ, түүний үр дүнгийн талаар туршлага солилцон, Дэлхийн банк болон олон улсын зөвлөхүүдийн хамт харилцан зөвшилцсөн сургалт, судалгааны ач холбогдолтой болсон.


Та бүхэнд сонирхуулах зорилгоор тус семинарт оролцсон төлөөлөгчдийн танилцуулж хэлэлцүүлсэн презентацийг та бүхэнд хүргүүлж байна.


Танилцуулга болон ерөнхий мэдээлэл

Нээлт Gwang-Jo Kim

БОЛОВСРОЛ, СОЁЛ, ШИНЖЛЭХ УХААНЫ САЙД, НИЙГМИЙН ХАМГААЛАЛ ХӨДӨЛМӨРИЙН САЙД,САНГИЙН САЙДЫН ХАМТАРСАН ТУШААЛ

2010 оны 08 дугаар  сарын 16-ны өдөр

Дугаар  362/112/183

Улаанбаатар хот

Шалгуур үзүүлэлт батлах тухай

            “Төрийн албан хаагчид нэмэгдэл олгох журам батлах тухай" Засгийн газрын 1995 оны 96 дугаар тогтоолын 4 дүгээр хавсралтаар баталсан "Төрийн үйлчилгээний албан хаагчид ур чадварын нэмэгдэл олгох нийтлэг журам"-ын 8 дахь заалтыг үндэслэн ТУШААХ нь:

1.   "Ерөнхий боловсролын сургууль, цэцэрлэгийн багш, зарим албан тушаалтанд ур чадварын нэмэгдэл олгох шалгуур үзүүлэлт"-ийг хавсралтын ёсоор  баталсугай.

2.   Шалгуур үзүүлэлтийн дагуу сургалтын байгууллагын тухайн жилийн цалингийн сангийн ур чадварын нэмэгдлийн санд багтаан багш, ажилтанд нэмэгдэл олгож байхыг ерөнхий боловсролын сургуулийн захирал, цэцэрлэгийн эрхлэгч нарт үүрэг болгосугай.

БОЛОВСРОЛ, СОЁЛ, ШИНЖЛЭХ УХААНЫ САЙД          Ё.ОТГОНБАЯР
НИЙГМИЙН ХАМГААЛАЛ, ХӨДӨЛМӨРИЙН САЙД      Г.ГАНДИ
САНГИЙН САЙД                                                                  С.БАЯРЦОГТ

2010 08-16 362.112.183 Tushaal

БСШУ, Сангийн сайдын 560/267 дугаар тушаал

БОЛОВСРОЛ, СОЁЛ, ШИНЖЛЭХ УХААНЫ САЙД,

САНГИЙН САЙДЫН ХАМТАРСАН ТУШААЛ

2009 оны 12 дугаар  сарын 14-ны өдөр

Дугаар  560/276

Улаанбаатар хот

Журам батлах тухай

            “Төсвийн байгууллагын удирдлага, санхүүжилтийн тухай хууль”-ийн 8 дугаар зүйлийн 8.1.4, 12 дугаар зүйлийн 12.1.1 дэх заалт, “Цэцэрлэгийн хүүхдийн хоолны зардлын дундаж норматив батлах тухай” Засгийн газрын 2009 оны 85 дугаар тогтоолын 3 дугаар заалтыг тус тус үндэслэн ТУШААХ нь:

1.   “Хүүхдийн цэцэрлэгийн хоол, ерөнхий боловсролын сургуулийн үдийн цай /хоол/, дотуур байрны хүүхдийн хоол, Мэргэжлийн сургалт-үйлдвэрлэлийн төв, коллежид суралцагчдын тэтгэлгийн зардлын хэмнэлтийг тооцох, төвлөрүүлэх, зарцуулах журам”-ыг нэгдүгээр, “Хүүхдийн цэцэрлэгийн болон дотуур байрны хүүхдийн хоол, үдийн цай, тэтгэлгийн зардлын гүйцэтгэлийг тооцох хүснэгт”-ийг хоёрдугаар хавсралтаар тус тус баталсугай.

2.   Уг журмыг 2010 оны нэгдүгээр сарын 1-ний өдрөөс эхлэн хэрэгжүүлсүгэй.

3.   Энэхүү тушаалын хэрэгжилтэд хяналт тавьж ажиллахыг Боловсрол, соёл, шинжлэх ухааны яамны Санхүү, хөрөнгө оруулалтын газар /С.Наранцогт/, Сангийн яамны Төсвийн бодлого зохицуулалтын газар /Б.Батжаргал/-т тус тус үүрэг болгосугай.

БОЛОВСРОЛ, СОЁЛ, ШИНЖЛЭХ УХААНЫ САЙД                                                                       Ё. ОТГОНБАЯР

САНГИЙН САЙД                                      С. БАЯРЦОГТ

БСШУ, Сангийн сайдын 560/267 дугаар тушаал

Бага, суурь, бүрэн дунд боловсролын дүйцсэн хөтөлбөрөөр сургалт явуулах журам

МОНГОЛ УЛСЫН

БОЛОВСРОЛ, СОЁЛ, ШИНЖЛЭХ УХААНЫ

САЙДЫН ТУШААЛ

                                      2007.10.09                           Дугаар 362                              Улаанбаатар хот

                                                                   Журам батлах тухай

Боловсролын тухай хуулийн 8 дугаар зүйлийн 8.2 дахь хэсгийг хэрэгжүүлэх зорилгоор ТУШААХ нь:

1. "Бага, суурь, бүрэн дунд боловсролын дүйцсэн хөтөлбөрөөр сургалт явуулах журам"-ыг хавсралтын ёсоор баталсугай.

2. "Бага, суурь, бүрэн дунд боловсролын дүйцсэн хөтөлбөрөөр сургалт явуулах журам"-ын хэрэгжилтэд хяналт тавьж ажиллахыг Бага, дунд боловсролын газар (Г.Батболд), Албан бус боловсрол, зайны сургалтын үндэсний төв (Е.Батчулуун)-д даалгасугай.

3. Дүйцсэн хөтөлбөрийн сургалтад хамрагдаж байгаа суралцагчид ногдох сургалтын нормативт зардлыг жил бүрийн төсөвт тусгаж байхыг Санхүү, эдийн засгийн газар (Ц.Даваасүрэн)-т даалгасугай.

САЙД                              Ө.ЭНХТҮВШИН

                              

                                                         

Бага насны хүүхдийн хөгжилд эцэг эх, гэр бүл, олон нийтийн оролцоог нэмэгдүүлэх талаар сургуулийн өмнөх боловсролын байгууллагаас баримтлах чиглэлийг батлах тухай

МОНГОЛ УЛСЫН

БОЛОВСРОЛ, СОЁЛ, ШИНЖЛЭХ УХААНЫ

САЙДЫН ТУШААЛ

===================================================================

2007.12.20                                       Дугаар 17                                    Улаанбаатар хот

Чиглэл батлах тухай

                        Боловсролын тухай хуулийн 28 дугаар зүйлийн 1.2 дугаар заалт, Бага, дунд боловсролын тухай хуулийн 11 дүгээр зүйлийн 6 дугаар заалт,   "Бага насны хүүхдийн хөгжлийг дэмжих цогц бодлого"-ыг хэрэгжүүлэх зорилгоор ТУШААХ нь:

            1. Бага насны хүүхдийн хөгжилд эцэг эх, гэр бүл, олон нийтийн оролцоог нэмэгдүүлэх талаар сургуулийн өмнөх боловсролын байгууллагаас баримтлах чиглэлийг хавсралтын ёсоор баталсугай.

2. Бага насны хүүхдийн хөгжилд эцэг эх, гэр бүл, олон нийтийн оролцоог нэмэгдүүлэх талаар сургуулийн өмнөх боловсролын байгууллагаас баримтлах чиглэлийг хэрэгжүүлэх ажлыг зохион байгуулахыг Бага, дунд боловсролын газар (Ц.Лувсандорж), аймаг, нийслэлийн Боловсрол, соёлын газар, цэцэрлэгийн эрхлэгч нарт даалгасугай.

                                    САЙД                                                             Н. БОЛОРМАА

  

Монгол улсын Засгийн газрын 2009 оны 99 дүгээр тогтоол

МОНГОЛ УЛСЫН ТӨСВИЙН ОРЛОГО,ЗАРЛАГА,ХӨТӨЛБӨР,АРГА ХЭМЖЭЭНИЙ АНГИЛЛЫГ БАТЛАХ ТУХАЙ 2009 оны 4 дүгээр сарын 8-ны өдөр Улаанбаатар хот Дугаар 99                 Монгол Улсын нэгдсэн төсвийн тухай хуулийн 12.3-т заасныг үндэслэн Монгол Улсын Засгийн газраас ТОГТООХ нь:                 1. “Төсвийн зарлагын эдийн засгийн ангилал”-ыг 1 дүгээр, “Төсвийн зарлагын арга хэмжээний ангилал”-ыг 2 дугаар, “Төсвийн ерөнхийлөн захирагчдын ангилал”-ыг 3 дугаар, “Төсвийн орлогын эдийн засгийн ангилал”-ыг 4 дүгээр, “Төсвийн зарлагын хөтөлбөрийн ангилал”-ыг 5 дугаар, “Төсвийн зарлагын эдийн засгийн ангиллын заавар”-ыг 6 дугаар хавсралт ёсоор тус тус шинэчлэн баталсугай.                 2. Үйл ажиллагааны зардлын эх үүсвэр дутагдсан тохиолдолд өр үүсгэхгүй байх зарчим баримтлан төсвийн зарлагын арга хэмжээний ангиллын дагуу бусад арга хэмжээний зардлаас (үүнд аюулгүй байдлыг хамгаалах, стратегийн болон онцгой байдлын нөөцийн зардал хамаарахгүй) нийт 10 хүртэл хувийг “Байгууллагын үндсэн чиг үүргийг хэрэгжүүлэх арга хэмжээ”-ний урсгал зардалд шилжүүлэх эрхийг төсвийн ерөнхийлөн захирагч нарт олгосугай.                 3. Хөтөлбөрийн ерөнхий ангилалд нийцүүлэн эрхлэх асуудлынхаа хүрээнд бүтээгдэхүүний дэд анги, нэр төрлийг тогтоож, жил бүрийн бүтээгдэхүүн нийлүүлэлтийн гэрээнд тусгаж байх эрхийг төсвийн ерөнхийлөн захирагч нарт олгосугай.                 4. Төсвийн орлого, зарлагын ангиллыг шинэчлэн баталсантай холбогдуулан холбогдох бусад журам, заавар, мэдээний маягтыг энэхүү ангилалд нийцүүлэх, төсвийн орлого, зарлагын бүртгэлийг ангиллын зааврын дагуу хөтлүүлэх арга хэмжээ авч, батлагдсан төсвийн ангиллыг 2009 оны төсвийн жилээс эхлэн нийтээр дагаж мөрдүүлэхийг Сангийн сайд С.Баярцогтод даалгасугай.                 5. Энэ тогтоол гарсантай холбогдуулан “Монгол Улсын төсвийн орлого, зарлагын ангилал батлах тухай” Засгийн газрын 2003 оны 9 дүгээр сарын 15-ны өдрийн 203 дугаар тогтоолыг хүчингүй болсонд тооцсугай.                                                    Монгол Улсын Ерөнхий сайд                                                         С.БАЯР                                                   Сангийн сайд                                                                                      С.БАЯРЦОГТ

  Засгийн гзрын 2009 оны 99 дүгээр тогтоол

Та сайн жолооч мөн үү

Тээврийн хэрэгслийн жолоочийн мэргэжлийн улсын шалгалтын материал.

Энэхүү цахим тестийн тээврийн хэрэгсэл жолоодох эрх авах шалгалтанд бэлтгэгчид болон замын хөдөлгөөний эрх зүйн мэдлэгээ бататгах, энэ чиглэлийг сонирхон судлах хэн бүхэнд зориулав.

MTRI (NGO) (R) Traffic test v1.0
ISBN 99929-6-308-5
Татах: 194.5 MB
Мөн дараах линкээр орж онлайнаар сонирхож болно:
http://www.traffic-institute.mn/




Эх сурвалж: http://wegenerous.blogspot.com

Гэгээрлийн төвийн үлгэрчилсэн дүрэм

БОЛОВСРОЛ, СОЁЛ, ШИНЖЛЭХ УХААНЫ САЙДЫН ТУШААЛ 

 2003.05.19                                        Дугаар 169                                  Улаанбаатар хот

 Гэгээрлийн төвийн үлгэрчилсэн дүрэм, ажлын
 байрны тодорхойлолт батлах тухай

            "Боловсролын тухай" Монгол улсын хуулийн 17 дугаар зүйлийн 3 дахь хэсгийг хэрэгжүүлэх зорилгоор Боловсрол, соёл, шинжлэх ухааны сайдын зөвлөлийн 2003 оны 4 дүгээр сарын 24-ний өдрийн хурлын шийдвэрийг үндэслэн ТУШААХ нь:

            1.Аймаг, нийслэл, сум, дүүргийн "Гэгээрлийн төвийн үлгэрчилсэн дүрэм"-ийг 1 дүгээр, "Албан бус боловсрол, зайны сургалтын арга зүйчийн ажлын байрны тодорхойлолтыг 2 дугаар, "Албан бус боловсрол, зайны сургалтын багшийн ажлын байрны тодорхойлолт"-ыг З дугаар хавсралтын ёсоор тус тус баталсугай.

            2.Тушаалын хэрэгжилтийг зохион байгуулан ажллахыг Албан бус боловсрол, зайны сургалтын үндэсний төв /Ё.Батчулуун/, аймаг, нийслэлийн Боловсрол, соёлын газрын дарга нарт тус тус үүрэг болгосугай.

            3.Энэхүү тушаалын биелэлтэнд хяналт тавьж ажиллахыг Бага, дунд боловсролын бодлого, зохицуулалтын газар /Г.Батболд/-т даалгасугай.

                                                                  САЙД                                                                              А.ЦАНЖИД

Гэгээрэл төвийн дүрэм

Орос Монгол толь

Орос Монгол зузаан толь бичиг. Хэрэгтэй хүндээ бол аймаар хэрэгтэй словарь шүү.

Бүгд Найрамдах Монгол Ард Улсын Шинжлэх Ухааны Академийн Хэл Зохиолын Хүрээлэн

Ц. Дамдинсүрэн, А. Лувсандэндэв

ОРОС-МОНГОЛ ТОЛЬ

нэмж, зассан хоёрдугаар хэвлэл

редактор академич

Ш. Лувсанвандан

55 000 орчим үг

Улсын Хэвлэлийн Газар Улаанбаатар. 1982

Институт Языка И Литературы Академии Наук Монгольской Народной Республики

Ц. Дамдинсурэн, А. Лувсандэндэв

Засгийн газрын болон төсвийн байгууллагын дансыг нээх, хаах журам/

МОНГОЛ УЛСЫН САНГИЙН САЙДЫН ТУШААЛ  ЖУРАМ БАТЛАХ ТУХАЙ

/Засгийн газрын болон төсвийн байгууллагын дансыг нээх, хаах журам/

2008 оны 05 дугаар сарын 01-ний өдөр                                                                           Улаанбаатар хот

Дугаар 180

            Төсвийн байгууллагын удирдлага санхүүжилтийн тухай хуулийн 8 дугаар зүйлийн 8.1.4 дэх заалт, 9 дүгээр зүйлийн 9.1.9 дахь заалт Монгол Улсын нэгдсэн төсвийн тухай хуулийн 6 дугаар зүйлийн 6.1.3, 6.1.4 заалтыг үндэслэн ТУШААХ нь:

Нэг. “Засгийн газрын болон төсвийн байгууллагын дансыг нээх, хаах журам”-ыг хавсралтаар баталсугай.

Хоёр. Батлагдсан журмын хэрэгжилтэд хяналт тавьж ажиллахыг Төрийн сангийн газрын дарга /С.Мягмардаш/-д даалгасугай.

САЙД                                      Ч.УЛААН

Ss 180 r tushaal